"Чихний чимэг болсон аялгуу сайхан монгол хэл, Чин зоригт өвгөд дээдсийн минь өв их эрдэнэ." 
- Б.Ринчен
  1. Намуун
      • 0
    2024-01-19T17:41:12+08:00

    Бүтээгдэхүүн, үйлчилгээг бий болгох зорилгоор тогтоосон нөөц боломжийн хүрээнд тодорхой хугацаанд хэрэгжиж дуусах ажил. Төслийг компани, байгууллагаас гадна хувь хүн гүйцэтгэж болно. Төсөл бий болоход дараах үе шатуудыг туулна:

    • Эрэлт хэрэгцээ байгаа эсэх (хэрэгжиж дууссанаар өнөөдөр тулгамдаж буй ямар асуудлуудыг бүрэн эсвэл хэсэгчлэн шийдэх)
    • Хэрэгжих боломжтой эсэх (шаардагдах түүхий эд, материал, газар, усны нөөц, багаж, тоног төхөөрөмж, хүний нөөц, боловсон хүчин (мэдлэг чадвар), эрх зүйн боломж байгаа эсэх)
    • Төлөвлөгөө (гүйцэтгэх аргачлал, дэс дараалал, хугацааг урьдчилан тогтооно)

    Төсөл үр ашигтай байх ёстой. Төслийн үр ашгаа өгөх байдал гурван төрөл байна:

    • Хэрэгжиж байх хугацаандаа (эхэлсэн өдрөөс үр ашгаа өгөөд явна (НҮБ-ийн Улаан загалмай, Тогтвортой хөгжлийн  хөтөлбөр, Америкийн USAID төслүүд г.м))
    • Хэрэгжиж дууссаны дараа (дуусахаас өмнө үр ашиг нь харагдахгүй (төрөөс зарласан худаг, сургууль, цэцэрлэгийн барилгын тендерүүд))
    • Хэрэгжиж дуусаад тодорхой хугацааны дараа (дууссан  ч хэсэг хугацаанд үр ашгаа өгөхгүй (бизнесийн, үйлдвэрийн, хөдөө аж ахуйн бүтээн байгуулалт, парк шинэчлэлт ))

    Төсөл нь буруу төлөвлөлт, санхүүжилт дутах, цаг үе, орчин нөхцөл өөрчлөгдсөнөөр хэрэгжих боломжгүй болох, явцын дунд зогсох, зорилгодоо хүрч чадахгүй болох, дууссан ч ач холбогдлоо алдах зэрэг шалтгаанаар үр дүнгүй болох эсвэл хагас дутуу үр дүнд хүрч болно.

    Хариулах
  2. Ганбилэг
      • 0
    2024-01-19T17:43:45+08:00

    Төсөл заавал аварга том байх албагүй. Хэрэв та хашаандаа нүхэн жорлон хийхээр шийдсэн тохиолдолд тэр бол төсөл, эвдэрсэн сандлаа засах гэж байгаа бол тэр бас л нэг төрлийн жижиг төсөл.

    Хариулах

Хариулт үлдээх