Хиймэл оюун ухаан гэж юу вэ?
Асуулт
Бүртгүүлэх
Таны имэйл хаяг руу баталгаажуулах холбоос илгээнэ. Бүртгэлээ баталгаажуулсны дараа та \\\"Хувийн тохиргоо\\\" хуудас руу орон нэрээ өөрчилж болно.
Нууц үгээ мартсан уу? Имэйл хаягаа оруулна уу.
Таны имэйл хаяг руу баталгаажуулах холбоос илгээнэ. Бүртгэлээ баталгаажуулсны дараа та \\\"Хувийн тохиргоо\\\" хуудас руу орон нэрээ өөрчилж болно.
Компьютерийн процессор /CPU/ олон сая транзисторуудаас бүрддэг. Транзистор гэж энгийнээр бол тогны урсгалын чиглэлийг өөрчилж байдаг гурван оролт ба гаралттай шилжүүлэгч хавхлагууд юм. Хавхлаг нээгдэхийг «1», хаагдахыг «0» гэж тэмдэглэнэ. Хэрэв компьютерийн гарнаас «a» (кирилл үсгийн) товчлуурыг дарахад процессор руу «11010000 10110000» гэсэн (input) комманд очно. Тэрийг процессор дэлгэцийн аль пикселиудыг идэвжүүлэхийг (output) заах ба энэ хувиргалтыг ASCII гэдэг. Үйлдлийн систем /Windows, Mac, Linux, Android гэх мэт/ бол компьютерийн үндсэн программ. Үйлдлийн системгүйгээр компьютерийг ашиглах боломжгүй. Өөрөөр хэлбэл үйлдлийн систем нь хэрэглээний программ /MS Office, Chrome гэх мэт - гар утсаар бол элдэв янзын аппликэйшнууд/ болон компьютерийн (эсвэл гар утасны) техник хангамж хоёрыг хооронд нь холбож өгдөг зуучлагч программ юм.
Хиймэл оюун ухаан /AI/ бол яг л дээрх зарчмаар ажилладаг хэрэглээний программ. Программ болгон алгоритм болон мэдээллийн сантай. Ялгаа нь мэдээллийн санд нь хадгалагдаж буй ((текстээр, дуу авиагаар эсвэл дүрс бичлэгээр) хүний оруулсан) өгөгдлүүдийг ашиглан (шийдвэр гаргалт болон урьдчилан тооцоололт зэрэг) өөрийн үйл ажиллагаанд зориулан шинэ (сургалтын) өгөгдлүүдийг нэмж бий болгодог. Үүнийг "машин сургалт" гэж нэрлэсэн. Тэр нь хүний тархины нейроны (мэдрэлийн тогтолцооны) сүлжээг дууриалган бичсэн математикийн функц юм. Шинэ нөхцөл байдалд дасан зохицон ажиллах чадвартай ч зарим тохиолдолд яах аргагүй хүний оролцоо шаардлагатай болох бөгөөд тэр тохиолдолд "алгоритмийн шинэчлэлт" /algorithm update/ хийгдлээ гэдэг. Бусад энгийн программуудын нэгэн адил байнга шинэчлэлт хийгдэнэ. Хиймэл оюун ухааны уг зорилго нь үндсэндээ бол олон сая үйлчлүүлэгчидтэй зэрэг харьцах, олон давтамжтай ижилхэн үйлдлүүдийг гүйцэтгэх, хэрэглэгчдийн оруулсан аварга том мэдээллийн санг судлах зэрэг асар их хүний нөөц, цаг хугацаа шаардсан ажлуудыг хөнгөвчлөх юм.
Жишээ нь Google-ээс хайлт хийх үед хэн нэг нь алдаатай үг оруулсан тохиолдолд Google тэрийг нь бүртгэж авдаг. Ингээд нөгөө хүн алдаатай үг оруулснаа мэдээд араас нь засаж бичихэд Google тэр үгийг өнөөх алдаатай үгтэй нь холбодог. Дараа нь тэр хүн эсвэл бусад хүмүүс энэ алдааг давтахад зөв бичсэнтэй адил илэрцийг санал болгодог. Энэ нь автоматаар явагдана, хүн оролцохгүй. Гэхдээ хугацаа шаардагдана, харин хүн гүйцэтгэж хэзээ ч барахгүй. "Хиймэл оюун ухаан" гэж сүртэй нэрлэдэг боловч үнэндээ зүгээр л компьютерийн "дэвшилтэт" (Python дээр суурилсан) программ юм.
Дүрс, дуу авианы тухайд тэд мөн л компьютерийн дижитал дохионууд учраас тэдгээрийг бүрэн төгс хуулбарлах, засаж өөрчлөх бүрэн боломжтой. Гагцхүү ажиллагаа ихтэй учраас алгоритм, математикийн функц тэгээд компьютерийн хүчин чадалд хариуцуулж байгаа юм. Гэрийн компьютер ажиллуулж дийлэхгүй тул үүлэн технологийн тусламжтайгаар үйлчилгээгээ үзүүлдэг. Гол нь тухайн сервер айхтар хүчирхэг байхгүй бол болохгүй.