Либерализм гэж юу вэ?
Асуулт
Бүртгүүлэх
Имэйл хаяг руу баталгаажуулах холбоос илгээгдэнэ. Бүртгэл баталгаажсаны дараа \\\"Хувийн тохиргоо\\\" руу орж (нийтэд харагдах) нэрээ сольж болно.
Нууц үгээ мартсан уу? Имэйл хаягаа оруулна уу.
Имэйл хаяг руу баталгаажуулах холбоос илгээгдэнэ. Бүртгэл баталгаажсаны дараа \\\"Хувийн тохиргоо\\\" руу орж (нийтэд харагдах) нэрээ сольж болно.
Либерализм бол зүүн төвийн үзэл.
НҮБ-ийн бодлого, манай Үндсэн хууль либерал. НҮБ хүний эрхийг тунхаглахдаа төр нь иргэнийхээ хүсэл эрмэлзлийн тусгал нь байх ёстой гэж. Либерализм бол хуулийн өмнө эрх тэгш байдал, хувь хүний эрх (иргэний болон хүний эрхийг оролцуулаад), сонгох, сонгогдох, шашин шүтэх болон эс шүтэх, үг хэлэх эрх чөлөө, хэвлэн нийтлэх эрх чөлөө, зах зээлийн эдийн засаг.
Диктатур
Диктатур бол дээрхийн эсрэг үзэгдэл. Либерализмыг эрх чөлөө гэж орчуулж болох учраас диктатурыг дарангуйлал гэж болох байх.
Баруун үзэл
Уламжлал, ёс заншил, язгууртан, хөрөнгөтөн, феодал, лам нарын эрх мэдлийг хадгалах, ангийн үзэл.
Зүүний үзэл
Ажилчин ангийн эрх ашиг, тэгш хувиарлалт, эрх тэгш байдал, нийгмийн халамж, ард түмний засаглал, ардчилал.
Баруун төв ба Зүүн төв
Цаг үеийн шаардлагаар дээрх хоёр үзэл бие бие рүүгээ нэлээд ойртон баруун төв, зүүн төв болон өөрчлөгдсөн байдаг. Нийгмийн байгууламжийн талаарх сэдэв учраас улстөрийн намын тухай ярихгүй байх аргагүй. Одоо манай хоёр нам баруун төв, зүүн төв гэж ялгардаг боловч яг тийм байж чадаж байгаа юу гэдэг асуудал. Гэхдээ яг тийм байх албагүй байх л даа. Гэсэн ч ялгарч байх ёстой биз. Үзэл баримтлалын тунхагтаа яг юу гэж заасан байдаг нь чухал. АН "... үндэстний сэтгэлгээ, өв соёл, эх түүх, язгуур уламжлал, хэл бичиг, зан заншлаа эрхэмлэн тээж, монгол бахархалын өвөрмөц дархлааг хүн төрөлхтний хөгжлийн нийтлэг чиг хандлагатай уялдуулан хойч үедээ өвлүүлэх явдлыг үнэт зүйл гэж үзнэ." гэсэн бол
МАН "... эх орон, ард түмнийхээ түүхэн уламжлал, үндэсний соёл, үнэт зүйлсийг эрхэмлэж, ХХI зууны даяаршиж буй дэлхийн үйл явцын хэтийн төлөв болон өөрийн орны хөгжлийн чиг хандлагыг харгалзан ..." гэжээ.
Ялгагдах юм бараг алга. Хоёул үндсэн дүрмэндээ либерализмын зарчмыг баримтлах тухай дурдсан байна лээ. Бас баруун төв, зүүн төв гэсэн ямар ч үг өгүүлбэр аль алинд нь алга. Зүгээр л үндсэн дүрмээ баталсныхаа дараа хэвлэлийн бага хурал зарлан МАН 2010 онд "МАН" нэрээ сэргээхдээ "манай нам зүүн төвийн үзэл баримтлалтай болсон" гэж харин АН 2016 онд ялагдсаныхаа дараа үндсэн дүрмээ шинэчлээд "манай нам баруун төвийн үзэл баримтлалтай боллоо" гэсэн. Гэхдээ бага зэргийн ялгаа анзаарагдана. Тухайлбал эдийн засгийн бодлого дээр АН "гадаадын хөрөнгө оруулалтыг дэмжих" гэсэн бол МАН-д тийм юм алга. Энэ мэт зарим нэг мөрийн хөтөлбөрийн ялгаагаар аль жигүүрт нам хамаарагдахаа тодорхойлсон байх.
Үзэл баримтлалаа шинэчлэхээс өмнө МАН улаан коммунист (хэт зүүн), АН социал демократ (зүүн төв) байж билээ.