Клауд компьютинг гэж юу вэ?
Асуулт
Бүртгүүлэх
Таны имэйл хаяг руу баталгаажуулах холбоос илгээнэ. Бүртгэлээ баталгаажуулсны дараа та "Хувийн тохиргоо" хэсэг рүү орон нэрээ өөрчилж болно.
Нууц үгээ мартсан уу? Имэйл хаягаа оруулна уу.
Таны имэйл хаяг руу баталгаажуулах холбоос илгээнэ. Бүртгэлээ баталгаажуулсны дараа та "Хувийн тохиргоо" хэсэг рүү орон нэрээ өөрчилж болно.
Орчуулбал "үүлэн тооцоолол" эсвэл "үүлэн технологи". Үүлтэй ямар ч холбоогүй л дээ. Үүл гээд байгаа зүйл нь зүгээр интернэт дахь өөр бусад компьютерууд юм. Тэдгээр компьютеруудыг зайнаас өөрийн компьютер мэт хэрэглэнэ. Хүчин чадал, багтаамжийг нь ашиглана гэсэн үг. Үүлэн үйлчилгээ үзүүлдэг компаниуд өөрсдийн компьютерийг интернэтийн сүлжээгээр дамжуулан бусдад ашиглуулж төлбөр авна. Жишээ нь Google Drive нь хард дискээ бидэнд ашиглуулж буй, Youtube таны бичлэгийг өөрийн компьютерт хадгалан тэндээсээ олон нийтэд хүргэдэг - олон хүн зэрэг үзвэл таны компьютер биш Youtube-ийн компьютер (сервер) ачаалал авна. Сервер гэж үүлэн технологид зориулсан компьютер. Сервер (server) - "үйлчлэгч" гэсэн тэр утгаараа хэрэглэгдэнэ. Вэб сервер - вэбсайтын үйлчилгээ үзүүлэгч сервер (компьютер), 24 цагаар ажиллаж ачааллыг өөр дээрээ авна. Хэрэв та өөрөө бусдад үүлэн технологийн үйлчилгээ үзүүлье гэвэл та өөрийн компьютераа бусдад зайнаас ашиглуулна гэсэн үг. Хүмүүс таны компьютерт файлуудаа хадгалж, суулгасан программуудыг тань ажиллуулна. Ингэхийн тулд танд зогсолтгүй ажиллаж байх асар хүчирхэг компьютер, өндөр хурдтай интернэт, тэгээд өөр дээрээ вэбсайт (домэйн эсвэл апп) ажиллуулах шаардлагатай.