Сүнс, далд ертөнц гэж үнэхээр байдаг уу?
Асуулт
Бүртгүүлэх
Таны имэйл хаяг руу баталгаажуулах холбоос илгээнэ. Бүртгэлээ баталгаажуулсны дараа та \\\"Хувийн тохиргоо\\\" хуудас руу орон нэрээ өөрчилж болно.
Нууц үгээ мартсан уу? Имэйл хаягаа оруулна уу.
Таны имэйл хаяг руу баталгаажуулах холбоос илгээнэ. Бүртгэлээ баталгаажуулсны дараа та \\\"Хувийн тохиргоо\\\" хуудас руу орон нэрээ өөрчилж болно.
Байдаг эсвэл байдаггүй гэж аль нэг талаас хэт туйлширч болохгүй гэдгийг ойлгосон. Шинжлэх ухааныг би бишрэн шүтдэг байлаа, дараа нь шинжлэх ухаан тийм ч төгс биш болохыг мэдсэн. Сүнс, далд ертөнц байхгүй гэхээр байдаг ч юм шиг, байдаг гэхээр байдаггүй ч юм шиг болсон.
Бодох нь ээ, хэн нэг нь биднийг ажиглаж байдаг юм шиг, туслаж эсвэл буруу зүйл хийвэл шийтгэж байх шиг. Мэдээж би сүнс харж байгаагүй, бас далд ертөнц рүү очиж байгаагүй ч тэдгээрийг байхгүй гэж хэлж чадахгүй. Яагаад гэвэл би мэдэхгүй юм.
Боломжгүй зүйл гэж байхгүй гэж байна. Үнэхээр тийм. Далд ертөнц бидний боддог шиг тийм ч айхтар хол биш. Тэр бидний дэргэд байх шиг байна. "Чамайг инээхэд хорвоо чам руу инээмсэглэнэ" гэж үг сонсож байсан уу? Эсвэл "Чамайг инээхэд дайсан чинь ялагддаг" гэж? Сэтгэхүйтэй холбогдоно гэсэн үг. Тийм учраас гутранги, муу энергитэй хүмүүсээс хол байх, тэгээд өөрөө зорилготой, хүсэл тэмүүлэл, тачаал, сонирхол, урам зоригтой амьдрах хэрэгтэй болж байна. Эхлээд өөрийг олох, дараа нь нэгэнт өөрийгөө чи олсон бол хэтэрхий замбараагүй амьдарч болохгүй гэж.
Ингээд хувь заяа чиний талд зогсох бөгөөд аз жаргалтай амьдрах боломжийг тэр нээж өгөх ба ертөнц өөрийн чамд тохирсон шилдэг хувилбарыг чамд танилцуулах болно. Түүнийг нь нэрэлхэхгүйгээр хүлээж авах хэрэгтэй.
Өөрт тохиолдсон зүйлийг ярья. Үдэш компьютерийн ширээний ард пиво уунгаа Youtube үзээд сууж байлаа. Пиво дуусчихлаа. Хөргөгчнөөс дахиад нэгийг авахаар босоод явтал миний ард чанга, юм нурж байгаа мэт чимээ сонсогдов. Эргээд хартал компьютерийн ширээ байрнаасаа хөдөлчихсөн, дээрх юмнууд нь унаад замбараагүй болчихсон байв. Эхлээд би хөлөөрөө тогны утас татчихсан юм болов уу гэж бодлоо. Гэтэл ямар ч тийм юм алга. Тэгээд ч дээрх эд зүйлсийг үл тооцвол угаасаа маш хүнд ширээ. Ингээд би сүнс ч юмуу, далдын хүчтэй ямар нэгэн зүйл байдагт итгэдэг болсон доо. Тэр орой тэр ширээн дээр хуйлаастай шашны үг хэллэг, сургаальтай нэг бичвэр байсан юм. Тэгээд би сүүлд бодохдоо тэр нөлөөлсөн байж магадгүй гэж таамагласан. Тэрнээс болоод сүүлийн үед шашинлаг болох гээд байгаа.
Бас нэг зүйл. Элон Маскийн хэлсэн үг санаанаас гардаггүй. Тэр «Амьдрал хүний алдааг уучилдаг. Харин хоёр нүүр гаргахыг тэвчдэггүй» гэсэн. Яах аргагүй л тэгж хэлсэн. Элон Маск шүтлэггүй байх, тиймдээ бурханыг "амьдрал" гэдэг утгаар нь хэлсэн гэж бодож байна. Гэвч би түүний тэр жиргээг дахин харах санаатай хайгаад олоогүй. Би заримдаа нөхцөл байдлаас шалтгаалаад харилцаандаа хоёр нүүр гаргачихдаг тохиолдлууд байдаг бололтой байв. Зарим нэг хүмүүс намайг хүн болгонтой чи өөр хувь хүний дүр гарган харьцдаг гэж шүүмжилдэг байв. Бодоод байхад би тийм байсан юм шиг. Ингээд эргээд бодоход би хоёр нүүр гаргасныхаа дараа ямар нэгэн асуудалд орох гээд байсан мэт санагдав. Машин барьж яваад зам дээр өөр машинтай шүргэлцчихнэ, нэг бол хөл гараа юманд авчихна, согтуудаа хүнд олон юм яриад гомдоочихно. Тэрнээс хойш хоёр нүүр гэж ямар юм байдгийг судалж байгаад нэг нүүртэй болохыг хичээдэг болсон. Нэг нүүртэй болохыг оролддог болсноос хойш амьдрал цаанаа л нэг өөр болсон мэт. Ажил үр бүтээлтэй, хүмүүсийн хандлага сайжраад байна уу гэлтэй, илүү аз хиймортой, хорвоо арай өнгөлөг ч болчихсон юм шиг.
Эцэст нь, маргааш өглөө 9 цагт чухал уулзалттай хэрнээ сэрүүлэг тавилгүй шөнө дунд болтол сууж байгаад унтчихав. Тэгээд сэрэхийн наагуур нэг нөхрийг зүүдлэв. Тэр нэг хачин асуулт (юу байсныг нь санахгүй байна) асуув. Буруу хариулбал шийтгүүлнэ, зөв хариулбал шагнуулна гээд байх шиг байна. Би ч бодож байгаад хариултыг нь олсон бололтой өөртөө итгэлтэй нь аргагүй чангаар хариултал өөрийнхөө дуунаар яг 8 цагт сэрчихдэг юм байна. Сэрсэндээ баярласан ч уулзалт амжилттай болох үгүйд эргэлзэн санаа зовж байлаа. Өтгөн кофе ууж аваад гараад очив. Уулзалт санаанд оромгүй амжилттай болсон. Тэгэхээр юу ч гэж нэрлэсэн шинжлэх ухаанаар батлагдахгүй зүйлүүд байна аа.
Хүн хувь заяаныхаа эзэн нь. Ямар нэгэн далдын хүч, авралын тэнгэрт итгэнэ гэдэг нь амьдралаа бусдад даатгахтай адил. Хүн азтай эсвэл азгүй нөхцөл байдалд орж болно, гэхдээ эцсийн бүлэгт хүн өөртөө л найдах ёстой. Та ямар нөхцөлд ямар шийдвэр гаргахаас ихэнх зүйл шалтгаална.
Би материалист. Ухамсар бол бие махбодийн бүтээл. Нас барахад ухамсар хамт алга болно. Ямар нэгэн юманд итгэх хэрэгтэй бол шинжлэх ухаанд итгэсэн нь дээр. Шинжлэх ухааны буянаар бидний амьдрал дээшилсэн. Дээр үед амьдрал ямар хэцүү байлаа. Бидний бүх үеийн нөр их хөдөлмөр шингэсэн зүйл.